Saturday, August 13, 2011

Eksenahan

Ang pagkakaintindihan ng dalawang tao ay minsan hindi idinadaan sa pag-uusap o sa titigan ng mata.
Bigla nalang umuusbong kapag nagkadikit ang dalawang katawan, at may dumadaloy na milyon-milyong boltahe sa mga ugat ng inyong mga katawan.

Hindi ko naisip na mangyayari ang ganun.
Nasa isip ko na, matutulog na naman akong dilat ang diwa.
Hayaan na akong mawalan wag lang ang isa kong kaibigan.
Dahil nag request siya na sana'y maging masaya siya sa pagtitipon namin, dahil kaarawan ng kaibigan namin.

Nangako na si Ruel na magdadala raw sia ng mga kaibigan para sa amin, para paligayahin kami.
Pero ng dumating, gusto na naming mag-walk-out. Ahahahaaa, ansama ng ugali lalo na si Garampingat.

Hindi ako nagpapahalata na mas gusto ko si Boy, dahil nga pinakagusto rin siya ni Garampingat, kaya di na ako umeksena.
Baka sisihin na naman ako ni friendship kapag wala siyang lalaki.
Nasa pool pa kami, dahil nga sa kaibigan ko naman si Ruel sa facebook, sa totoong buhay, at kaibigan ko rin ang kapatid niyang si Weng, siya nalang ang kinakausap ko, at habang si Garampingat ay bumabanat na ng kalandian kay Boy.

Walang masamang intensiyon, basta nangyari nalang ang ganun.
Di ko narin natandaan ang nangyari kung hindi pa pinagtagni-tagni ang mga nangyari.
Nangyari ang di dapat nangyari.

Nasa kasagsagan kami ng pagbi-bingo, lahat ng tropa ng corniche, dumating.
Tumatagay, bumubola ng bingo, sumisigaw, nagtatawanan, nagbibiruan ang bawat isa sa amin.
Hindi ko namalayan, tumabi na pala sa akin si Boy.
Naglalaro ng bingo.
Kinilig naman ako dahil nga may lihim akong pagnanasa sa kanya pero walang halong pagmamahal, mahirap na.

Bawat dikit ng kanyang braso sa braso ko, at bawat tapik ng kanyang kamay sa kamay ko, binibigyan ko ng malisya.
Binibiro kami ng karamihan, dahil kanina, hindi naman kami close, at habang naglalaro ng bingo, doon na nagsimula ang biruan lalo na't tumabi siya sa akin.
Kinikilig naman ako, pero hindi parin mawala sa isip ko kung ano ang iniisip ng kaibigan kong si Garampingat.
Mas gusto niya si Boy, sa pool palang, pero bakit biglang nag shift sa akin ang pangyayari?

Aaminin ko, gusto ko ang nangyayari. Hindi man boyfriend-material si Boy, at hindi rin for public display, pero pwede na ring maipagmalaki.
Nakita kong nakatingin si Garampingat sa amin, nakangiti.
Pero may nababasa ako sa kanyang mga labi, "MANG-AAGAW!" ahahahaaaa.

Malakas na tawanan, mga nakakapikong biruan, at sunod-sunod na tagay ang nagpatimbuwang ng diwa ko.
Maya-maya lang, nasa kanlungan na ako ng inodoro.
Alam kong kinutsaba ni Garampingat ang mga kaibigan ko na tagayan ako ng todong-todo.
Dahil alam niya na lumalabas lang ang pagkamalandi at kapal ng mukha ko kapag lasing na ako.

Nagwagi parin siya, nakuha parin sa akin si Boy.
Pero wala akong laban, mahina na ako, hindi ko na namamalayan kung ano ang nangyayari sa paligid.
At kaming dalawa ni Garampingat nagbibigayan, kung sino ang nauna, kung sino ang may gusto at kung sino ang ginusto, wag na umepal pa.

Kumbaga sa kompetisyon, alam ko ng ako ang mananalo, pero nakukuha parin niya ang korona.
Ikaw na ang maging tunay na reyna, walang pamana ang mga baguhan sa datihan.
Nawalan na ako ng ulirat dahil sa sobrang kalasingan.
Ang maipagmamalaki ko lang kay Garampingat, hindi niya ako pinababayaan kapag ako ang nalasing.

May mga pictures at video pa nga yan pag nalalasing ako, iyong nakasubsob na ako sa inodoro, iyong nahuhulog sa kama, pero hindi niya pinapakita sa akin, sa iba ko lang na friends.
Naging mataginting ang halakhak ng bawat isa sa amin, naging memorable ang kaarawan ni Bogz.
Naging kontrobesiyal ang nagdaang gabi, pero ang sabi ko sa sarili, "What happen in Vegas, will stay in Vegas".

to be continued kung ano talaga ang tunay na nangyari noong gabing iyon, kung sino ba tunay na naging masaya.





No comments:

Post a Comment